در ادامه روند تخلیه شهروندان آسیب‌پذیر افغانستان دولت کانادا اعلام کرده است که در آخرین مورد ۳۲۶ نفر از شهروندان افغانستان که در تاجیکستان به سر می‌بردند به کانادا منتقل کرده است.
این تعداد از مهاجرین طی یک پرواز اختصاصی از شهر دوشنبه، پایتخت تاجیکستان به کانادا منتقل شده‌اند.
شان فریزر، وزیر مهاجرت دولت کانادا روز پنجشنبه، بیست‌ویکم میزان در صفحه توییتر خود اعلام کرده است که از ماه اگست سال ۲۰۲۱ تا اکنون بیش از ۲۱ هزار و ۷۰۰ نفر از شهروندان افغانستان به این کشور منتقل شده‌اند.
در همین حال اداره مهاجرت، پناهندگی و شهروندی کانادا می‌گوید که تلاش برای تخلیه افراد آسیب‌پذیر از افغانستان ادامه دارد.
این در حالی است که پیش از این نگرانی‌های مبنی بر اخراج مهاجرین از تاجیکستان مطرح شده بود.
فرهاد دریا خواننده‌ی محبوب افغانستان از دولت تاجیکستان در یک نامه‌ی سرگشاده خواست که میزبان خوبی برای مهاجران باشد.
Source link