در ادامه نگرانی‌های مطرح‌شده مبنی بر افزایش گروه‌های تروریستی در افغانستان رییس جمهور تاجیکستان پیشنهاد کرده است که در اطراف افغانستان کمربند امنیتی ایجاد شود. همزمان با این رمضان رحیم‌زاده، وزیر امور داخله تاجیکستان گفته که طالبان تاکنون به بیش از ۳۰۰۰ نفر از اعضای گروه‌های تروریستی پاسپورت افغانستان داده است.
رمضان رحیم‌زاده در کنفرانس همکاری‌های بین‌المللی و منطقه‌ای برای مبارزه با تروریسم که در شهر دوشنبه، پایتخت تاجیکستان برگزار شده بود از اینکه اعضای گروه‌های تروریستی به سادگی می‌توانند گذرنامه افغانستان را داشته باشند ابراز نگرانی کرد و افزوده است که این وضعیت یکبار دیگر خطر رژیم طالبان را تایید می‌کند.
رحمان یوسف احمدزاد، دادستان کل تاجیکستان نیز در این نشست از افزایش تولید و قاچاق مواد مخدر در افغانستان خبر داده است. به گفته‌ی او قاچاق مواد مخدر از افغانستان تقریبا دوبرار شده است. دادستان تاجیکستان همچنان افزود که گروهای تروریستی از طریق قاچاق مواد مخدر به دخایر مالی دست پیدا می‌کنند یا “قاچاق مواد مخدر حمایت مالی از تروریست‌ها است.”
امام‌علی رحمان رییس جمهور تاجیکستان نیز در این نشست به ایجاد کمربند امنیتی در اطراف مرزهای افغانستان اشاره کرده و آنرا یک ضرورت خوانده است. به گفته آقای رحمان ۱۲ گروه تروریستی در افغانستان فعال شده است و امنیت منطقه را شدیدا تهدید می‌کند.
رئیس جمهور تاجیکستان پیشتر نشیت سران کشورهای عضو کنفرانس سیکا نیز گفته بود که هزاران انتحاری و مجاهد در افغانستان فعال شده است.
Source link