وزیر مهاجرت کانادا می‌گوید که ۳۲۶ پناهجوی افغان روز چهارشنبه در یک پرواز ویژه از تاجیکستان به کانادا منتقل شده‌اند.
شان فریزر در تویتی نوشت تا کنون افغان‌های که به کانادا رسیده اند به ۲۱ هزار و ۷۰۰ تن می‌رسد.
کانادا سال گذشته اعلام کرد که ۴۰ هزار افغان در معرض خطر را می‌پذیرد.
این کشور دو هفته پیش نیز، ۳۰۰ پناهجوی افغان را از تاجیکستان انتقال داد.
کانادا در ماه‌های اخیر روند انتقال پناه‌جویان افغان به این کشور را افزایش داده است.
هفته‌های قبل در چندین پرواز اختصاصی، صدها شهروند افغانستان را از اسلام آباد پاکستان خارج کرد.
شماری از شهروندان افغانستان که مجبور به ترک کشور شده‌اند، در کشورهای دومی انتظار انتقال به کشورهای امریکایی و اروپایی را می‌کشند.
Source link